"სააკაშვილი სამწუხაროდ მოვლენების განვითარებას წინ ასწრებს. ყველას ვთხოვთ, რომ ყველაფერზე არ იხმაურონ", _ განაცხადა რეინტეგრაციის საკითხებში საქართველოს სახელმწიფო მინისტრმა პაატა ზაქარეიშვილმა მთავრობის სხდომის დასრულების შემდეგ საქართველოს პრეზიდენტის მიხეილ სააკაშვილის მიერ გაკეთებული განცხადების კომენტირებისას, რომლის მიხედვითაც ვანუატუმ აფხაზეთის დამოუკიდებლობის აღიარება გააუქმა.
"სააკაშვილი სამწუხაროდ, მოვლენების განვითარებას წინ ასწრებს, რაც, როგორც წესი, იწვევს გარკვეულ გაურკვევლობებს. მარტში მე მქონდა საპარლამენტო მოსმენა და ვიყავი პარლამენტში, მაშინ მქონდა ინფორმაცია და ვთქვი, რომ არსებობს რაღაც გარკვეული ალბათობა, რომელიმე სახელმწიფოს მიერ უკან წაღება აღიარებისა. ყველას ვთხოვთ, რომ ყველაფერზე არ იხმაურონ", _ განაცხადა პაატა ზაქარეიშვილმა.
მისივე თქმით, სააკაშვილი მოახტა თვითმფრინავს და როგორც წესი გარკვეული ღონისძიებები განახორციელა.
"ჯობია დაველოდოთ მოვლენებს და როცა დასრულება პროცესი, მაშინ მოხდეს ამაზე საუბარი. ვთხოვ და ვურჩევ სააკაშვილს, რომ ვიდრე პროცესი არ დასრულდება, მანამდე ნუ მოინდომებს ქულების მიწერას. მერე მივუწერთ მას თუ ეს მას ძალიან სჭირდება. ეხლა ჩავა მალე იაპონიაში და მზის ამომავალ ქვეყანაში ვიყავი და ჩავაწყე საქმე, რომ საქართველოში მზე მალე დროულად ამოვაო. ", _ განაცხადა ზაქარეიშვილმა.