ქუთასის საქალაქო ორგანიზაციასთან საპარლამენტო უმცირესობის წარმომადგენელმა გიორგი თევდორაძემ საგანგებო ბრიფინგი გამართა, მისი განცხადებით, მან კოალიცია ქართული ოცნების მხარდამჭერებს რამდენიმე ცივი იარაღი კონკრეტულად კი ე.წ. სპიცი ჩამოართვა.
„ეს ადამიანები, სასამართლოში მოვიდნენ იმისათვის, რომ ნაციონალური მოძრაობის მხარდამჭერებისათვის ცივი იარაღით ჭრილობები მიეყენებინათ. თუმცა ჩვენმა მხარდამჭერებმა ეს შენიშნეს და პოლიციის ძალით, მათზე ძალის დატანებით, ე.წ. სპიცების ჩამორთმევა შევძელით. მოვუწოდებ სამართალდამცავებს დააკავონ ყველა ის ადამიანი, ვისაც სურდა დაესახიჩრებინა ჩვენი აქტივისტები", - განაცხადა გიორგი თევდორაძემ.
შეგახსენებთ, ქუთაისის საქალაქო სასამართლოში ვანო მერაბიშვილის საქმეზე პროცესი ნაციონალური მოძრაობისა და ქართული ოცნების მხარდამჭერებს შორის ხელჩართული ჩხუბის ფონზე მიმდინარეობს.