"თუ გადავდგამთ ისეთ ნაბიჯებს, რომლებიც საქართველოს მოაქცევს იზოლაციაში საქართველს დაუდგება ყველა პრობლემა მათ შორის პირველ რიგში ტერიტორიული პრობლემა. ჩვენ აქ ცეცხლს ვეთამაშებით", _ განაცხადა საქართველოს პრეზიდენტმა მიხეილ სააკაშვილმა პრეზიდენტის სასახლეში მოწყობილ პრესკონფერენციაზე.
მისივე თქმით, საქართველომ თავის წარმატებებს მიაღწია დიდი საერთაშოისო მხარდაჭერის გამო.
"იმიტომ რომ ჩვენი მოკავშირეები არიან დასავლელები. ჩვენი მოკავშირე არის ევროკავშირი და აშშ, ჩვენი მოკავშირე არის ავსტრალია და ახალი ზელანდია. ისინი არიან საქართველოს ტერიტორიული მთლიანობის მოკავშირეები და ჩვენ თუ გადავდგამთ ისეთ ნაბიჯებს, რომლებიც საქართველოს მოაქცევს იზოლაციაში, უკრაინას არაფერი არ მოაკლდება, უკრაინას ტერიტორიული პრობლემა დღეს არ უდგას. საქართველოს დაუდგება ყველა პრობლემა, მათ შორის პირველ რიგში ტერიტორიული პრობლემა. ჩვენ აქ ცეცხლს ვეთამაშებით. საკმარისია ჩვენ ჩავდგეთ აქ იგივე მდგომარეობაში რაშიც არის უკრაინა შეგვიძლია დავემშვიდობოთ არაღიარების პოლიტიკას და მთელ რიგ მხარდაჭერის პროგრამებს რომლებიც არსებობს საქართველოს მიმართ. ეს არის ისტორიულად საშიში პროცესი", _ განაცხადა მიხეილ სააკაშვილმა.
მისივე თქმით, საქართველო ჩადის ყველგან, პერუში, ბანგლადეშში და მას იღებენ როგორც ქვეყანას რომელიც არის ძალიან მაგარი, რომელიც მე-9 ადგილზეა მსოფლიოს რეიტინგებში.
"თუ ჩვენი მთავრობა გამოვა და იტყვის, რომ ეს არის ბლეფი, მაშინ ჩვენ ჩვენი სავიზიტო ბარათი ამ ქვეყნებთან არაფერი აღარაგვაქვს და ისევ დგება საკითხი, რომ ჩვენ მათთვის სათქმელი არაფერი გვაქვს", _ აცხადებს მიხეილ სააკაშვილი.
