,,ოპოზიციის ლიდერების პროკურატურაში დაბარებით, მთავრობა წარუმატებლობის გადაფარვას ცდილობს", -განაცხადა ჟურნალისტებთან ,,ნაციონალური მოძრაობის" წევრმა გიორგი გაბაშვილმა ივანე მერაბიშვილისა და ზურაბ ჭიაბერაშვილის პროკურატურაში დაბარების კომენტირებისას.
,,მთავრობამ გადაწყვიტა ახალი ტალღა წამოიწყოს ოპოზიციის დევნის. ერთადერთი, რასაც ისინი ცდილობენ, ესაა მთელი მათი წარუმატებლობის გადაფარვა, თავის პოლიტიკურ ოპონენტებზე ანგარიშსწორების კამპანიით. მათ იდეებში არის ის, რაც ივანიშვილმა ბრძანა, რომ ოპოზიცია უნდა გაუჩნდეს, უნდა შეიცვალოს თავისი რიტორიკა, თუ არადა მას პროკურატურის ძალით გაუსწორდებიან", _განაცხადა გაბაშვილმა და აღნიშნა, რომ ხელისუფლების მცდელობა დააშინოს ოპოზიცია, უსუსურია.
შეგახსენებთ, რომ დღეს, 21 მაისს, 14:00 საათზე, დასავლეთ საქართველოს საოლქო პროკურატურაში "ნაციონალური მოძრაობის" გენერალურ მდივანს, ივანე მერაბიშვილსა და კახეთის გუბერნატორ ზურაბ ჭიაბერაშვილს დასაქმების პროგრამასთან დაკავშირებით დაკითხავენ.
მასალის გამოყენების პირობები