ამერიკის შეერთებულ შტატებში, ილინოისის ქალაქ ვანდალიასთან ახლოს საეკლესიო ავტობუსი გადაყირავდა და ჩქაროსნული მაგისტრალიდან გადავარდა. ინფორმაციას ავტოკატასტროფის შესახებ ადგილობრივი ტელეარხი KSDK ავრცელებს.
შტატის პოლიციის განცხადებით, საეკლესიო ავტობუსი მოძრაობისას გადაყირავდა და მაგისტრალიდან გადავარდა, რის შედეგადაც 5 ადამიანი ადგილზე დაიღუპა, ხოლო 6 ადამიანი მძიმედ დაშავდა.
ამ დროისთვის ჩქაროსნული მაგისტრალი გადაკეტილია და მომხდართან დაკავშირებით მიმდინარეობს ძიება.
