საქართველოს იუსტიციის მინისტრის მოადგილის ალექსანდრე ბარამიძის განცხადებით უკანონო ჩანაწერების განადგურების გადაწყვეტილება საგამოძიებო ორგანოებმა ყოველ ცალკეულ შემთხვევაში თავად უნდა მიიღონ. აღნიშნული განცხადება იუსტიციის მინისტრის მოადგილემ „ჰოლიდეი ინში" ადამიანის უფლებათა დაცვის და იურიდიულ საკითხთა კომიტეტების გაერთიანებულ სხდომაზე გააკეთა.
„ყოველ ცალკეულ შემთხვევაში საგამოძიებო ორგანოებმა თავად უნდა მიიღონ გადაწყვეტილება რამდენიად შეუშლის თუ არ შეუშლის. ნება იმისა რომ უნდა განადგურდეს კარგია მე ამას მივესალმები, კონკრეტულად როგორ უნდა განადგურდეს და რა პროცედურები უნდა შემუშავდეს საამისოდ დღეს იქნება საუბარი" განაცხადა ალექსანდრე ბარამიძემ.