ნიდერლანდების საგარეო საქმეთა სამინისტროში საქართველოს ელჩი დაბარებული არ ყოფილა. როგორც ორშაბათის ტრადიციულ ბრიფინგზე საგარეო საქმეთა მინისტრის მოადგილემ დავით ზალკალიანმა განცხადა საქართველოს ელჩსა და ნიდერლანდების საგარეო საქმეთა სამინიტროს დეპარტამენტის ხელმძღვანელს შორის მხოლოდ სატელეფონო საუბარი გაიმართა.
,,ჩვენი ელჩი ნიდერლანდების საგარეო საქმეთა სამინისტროში დაბარებული არ ყოფილა. სატელეფონო კომუნიკაცია შედგა ნიდერლანდების საგარეო საქმეთა სამინისტროს დეპარტამენტის დირექტორსა და საქართველოს ელჩს შორის, სადაც ნიდერლანდების მხარემ წუხილი გამოხატა იმ მოვლენებთან დაკავშირებით რომელსაც ადგილი ჰქონდა 17 მაისს თბილისში", _განაცხადა ზალკალიანმა და აღნიშნა, რომ მომხდარ ფაქტს სხვა გამოხმაურება არ მოჰყოლია.