"საქართველოს უახლოეს მომავალში ჩრდილოატლანტიკური საბჭო ეწვევა", - განცხადება ამის შესახებ ნატო-ს გენერალურმა მდივანმა ლუქსემბურგში ალიანსის საპარლამენტო ასამბლეაზე გააკეთა.
რასმუსენმა აღნიშნა, რომ ქვეყნისთვის მნიშვნელოვანია მომავალი საპრეზიდენტო არჩევნები, რომელსაც ალიანსი მჭიდროდ დააკვირდება.
რასმუსენის თქმით, ნატო მიესალმება საქართველოში წარმატებით ჩატარებულ საპარლამენტო არჩევნებს, რუსეთთან ურთიერთობის გაუმჯობესებასა და მიმდინარე რეფორმებს.
საქართველოს პარლამენტის დელეგაცია ნატო-ს საპარლამენტო ასამბლეის სესიაში იღებს მონაწილეობას.
საგარეო ურთიერთობების კომიტეტის თავმჯდომარის თედო ჯაფარიძის განცხადებით, ასამბლეაზე საქართველოში მიმდინარე პროცესები და ის ტენდენციები, რომლებიც უკვე გამოიკვეთა, დადებითად შეფასდა ნატო-ს საპარლამენტო ასამბლეის წევრების მიერ.