საქართველოს შინაგან საქმეთა მინისტრის მოადგილე გელა ხვედელიძე დაკავებული თანამდებობიდან პრემიერ-მინისტრის 14 მაისის #103 ბრძანების საფუძველზე გათავისუფლდა. შესაბამისი ბრძანება მთავრობის ვებგვერდზე. გამოქვეყნდა
მისი თანამდებობიდან გათავისუფლების საფუძვლად მითებულია "საჯარო სამსახურის შესახებ" საქართველოს კანონის 95-ე მუხლი, რაც გულისმოხბს, რომ პირი თავისი ინიციატივით თავისუფლდება სამსახურიდან, თუ მისი სამსახურში მიღების უფლების მქონე მოხელე ან დაწესებულება დააკმაყოფილებს მის წერილობით განცხადებას".
შს მინისტრის პირველი მოადგილე 12 მაისს დააკავეს პირადი ცხოვრების ამსახველი ვიდეომასალის ინტერნეტში განთავსებისა და გავრცელების გამო. გელა ხვედელიძეს ბრალი წარდგენილი აქვს სისხლის სამართლის კოდექსის 157-ე მუხლის მესამე ნაწილის "დ" ქვეპუნქტით, რაც გულისხმობს პირადი ან ოჯახური საიდუმლოს უკანონოდ მოპოვებას, შენახვას ან გავრცელებას იმის მიერ, ვისაც სამსახურებრივი მდგომარეობის, პროფესიული საქმიანობის ან სხვა გარემოების გამო ევალებოდა ამ საიდუმლოს დაცვა, რამაც მნიშვნელოვანი ზიანი გამოიწვია. აღნიშნული დანაშაულისთვის სასჯელის ზომად გათვალისწინებულია თავისუფლების შეზღუდვა ან თავისუფლების აღკვეთა სამ წლამდე ვადით, თანამდებობის დაკავების ან საქმიანობის უფლების ჩამორთმევით, ასევე, სამ წლამდე ვადით ან უამისოდ.
თბილისის საქალაქო სასამართლომ გელა ხვედელაძეს დღეს აღმკვეთ ღონისძიებად გირაო 5-ათასლარიანი ოდენობით შეუფარდა.
მასალის გამოყენების პირობები