"ლეიბორისტული პარტიის" ლიდერი შალვა ნათელაშვილი საპრეზიდენტო კანდიდატებს მის სასარგებლოდ კანდიდატურის მოხსნისკენ მოუწოდებს.ამის შესახებ ნათელაშვილმა დღეს „პრაიმტაიმის" პრესკლუბში გამართულ პრესკონფერენციაზე განაცხადა.
"მე მოუწოდებ სრულიად ქართულ პოლიტიკურ სპექტრს დაგვიჭირეთ მხარი საპრეზიდენტო არჩევნებზე, რათა ერთად გადავარჩინოთ ჩვენი ბედკრული სამშობლო. ამიტომაც ვისაც წამოყენებული აქვს კანდიდატურა მოხსნას ჩვენს სასარგველოდ. ჩვენ მზად ვართ შევქმნათ ოპოზიციურ ძალებთან ეროვნული ერთიანობის მთავრობა და ვიფიქროთ დიდი ბლოკზე და ალიანსზე", - აცხადებს ნათელაშვილი და დასძენს რომ მარგველაშვილი მისი კონკურენტი არ არის.
"მარგველაშვილი არის მარიონეტი თოჯინა, ეს კაცი სტუდენტების გატყავებით არის დაკავებული" , - ამბობს ნათელაშვილი.
ამ დრომდე საპრეზიდენტო არჩევნებში მონაწილე ორი კანდიდატი გიორგი მარგველაშვილი და შალვა ნათელაშვილია დასახელებული.
მასალის გამოყენების პირობები
