,,ის, რომ ევროსაბჭოს მინისტერიალზე რუსეთ-საქართველოს საკითხი დღის წესრიგში არ შევიდა არ ნიშნავს, რომ არ მოხვდება მინისტრთა კომიტეტის განსახილველ საკითხებს შორის", _განაცხადა საგარეო საქმეთა მინისტრის მოადგილემა დავით ზალკალიანმა და აღნიშნა, რომ საგარეო საქმეთა მინისტრის ევროსაბჭოს მინისტერიალზე სიტყვით გამოსვლისას ყურადღებას გაამახვილებს ყველა იმ საკითხზე, რომელიც საქართველოს ოკუპაციას უკავშირდება.
,,ნუ დაგვავიწყდება, როცა ძალიან მნიშვნელოვანი იყო ამ საკითხის დღის წესრიგში შეტანა მაშინ ვერ მოხერხდა და ვერც დეკლარაციის მიღება მოხერხდა. ამიტომ, როცა ამ თემებით სპეკულირება ხდება, ძალიან გთხოვთ წინა წლების პრაქტიკასაც ყურადღება მივაქციოთ", _ განაცხადა ზალკალიანმა და აღნიშნა, რომ ევროსაბჭოს მინისტერიალი 16 მაისს გაიმართება.
შეგახსენებთ, რომ ევროსაბჭოს მინისტერიალზე რუსეთ-საქართველოს საკითხი დღის წესრიგში შეტანილი არ არის.
