გიორგი მარგველაშვილს დღესაც უკავია ნინო ბურჯანაძის მიერ დაფუძნებული "დემოკრატიული ფონდის" თავმჯდომარის პოსტი - ამის შესახებ განცხადება ექსპერტმა სოსო ცისკარიშვილმა "პრაიმტაიმის" პრესკლუბში გამართულ პრესკონფერენციაზე გააკეთა. ცისკარიშვილის თქმით, იმ შემთხვევაში თუ ბურჯანაძე იქნება პრეზიდენტობის ერთ-ერთი კანდიდატი, მარგველაშვილ-ბურჯანაძეს შორის შესაძლებელი იქნება კორექტული დაპირისპირება.
"დღემდე მარგველაშვილი იკავებს კიდევ ერთი თანამდებობას, ის არის ნინო ბურჯანაძის მიერ დაფუძნებული დემოკრატიული ფონდის თავმჯდომარე, ვფიქრობ გამომდინარე პირადი, საქმიანი და კორექტული ურთიერთობებიდან ბურჯანაძის და მარგველაშვილისა, იმ შემთხვევაში თუ ბურჯანაძეც გახდება პრეზიდენტობის კანდიდატი, ცივილიზებულად ველი რომ ეს იქნება კორექტული დაპირისპირება ორი ადამიანის რომელსაც ბევრი რამ აქვს მოსაგონარი წარსულიდან საერთო მიზნების განხორციელების პროცესში", -აცხადებს ცისკარიშვილი და საპრეზიდენტო არჩევნებისთვის არასაპარლამენტო ოპოზიციის გაერთიანებას არ გამორიცხავს.
"ჯერჯერობით მდუმარე პოზა უჭირავს არასაპარლამენტო ოპოზიციას, მაგრამ ვფიქრობ რომ რეალობა მოითხოვს გარკეული კოალიციების შექმნას არა სამომავლო პროცესის არამედ ამ საპრეზიდენტო არჩევნებისთვის", -ამბობს ცისკარიშვილი.
მასალის გამოყენების პირობები
