მიხეილ სააკაშვილი არ გამორიცხავს, რომ ბიძინა ივანიშვილმა საპრეზიდენტო კანდიდატი შეცვალოს. ამის შესახებ პრეზიდენტმა ფოთში სტუმრობისას განაცხადა და ,,ქართული ოცნების" საპრეზიდენტო კანდიდატის გიორგი მარგველაშვილის შეფასებისგან თავი შეიკავა.
,,მე გიორგი მარგველაშვილის კანდიდატურაზე არაფერს ვიტყვი, მაგრამ ზოგადად, რომ ვთქვათ, თავის დროზე, როცა რომის იმპერატორმა ნერონმა გადაწყვიტა, რომ თავისი თავის დომინირება მოეხდინა რომის საზოგადოებაზე, თვისი ცხენი აირჩია სენატში. ყველამ თავის დასკვნა გამოიტანოს. ჩვენი საზოგადოება არის ანგარიშგასაწევი ძალა, ჩვენი საზოგადოება იმსახურებს პატივისცემას და ღირსეულად მოპყრობას. კონკრეტულ კანდიდატურებს რაც შეეხება, პრემიერ-მინისტრი ხშირად იცვლის აზრს და ნამდვილად არ გამოვრიცხავ, რომ არჩევნებამდე მან კიდევ შეცვალოს აზრი საპრეზიდენტო კანდიდატთან დაკავშირებით", - განაცხადა მიხეილ სააკაშვილმა.
შეგახსენებთ, რომ საქართველოს პრემიერ-მინისტრმა ბიძინა ივანიშვილმა კოალიცია „ქართული ოცნებიდან" პრეზიდენტობის კანდიდატად გიორგი მარგველაშვილი დაასახელა.
