სალომე ზურაბიშვილმა შესაძლოა საპრეზიდენტო არჩევნებში მონაწილეობა მიიღოს. ამის შესახებ, ჟურნალისტებთან საუბრისას ,,საქართველოს გზის" ლიდერმა სალომე ზურაბიშვილმა ფოთში სტუმრობისას განაცხადა და აღნიშნა, რომ ახალი პრეზიდენტი უნდა იყოს ხალხის არჩეული და არა ვინმეს დანიშნული.
,,დღეს უკვე დგება დრო, რომ ამ ქვეყანაში საპრეზიდენტო არჩევნებმა დაამთვროს ერა, ერა რომელიც საბჭოთა კავშირის შემდეგ დაიწყო და შევარდნაძის შემდეგ გრძელდება. ჩემი აზრით, ახალი პრეზიდენტი უნდა იყოს ხალხის არჩეული და არა ვინმეს დანიშნული. ახალი პრეზიდენტი არ უნდა იყოს არანაირი გუნდის წარმომადგენელი. ერთადერთი გუნდი ვიცი მე, ეს არის საქართველო. ამიტომ ვფიქრობ დამოუკიდებელ კანდიდატურაზე. ჯერ ვფიქრობ და ამ ნაბიჯის გადადგმისთვის მჭირდება ხალხის მხარდაჭერა, რეალური მხარდაჭერა. თუ ეს მხარდაჭერა მომავალ კვირებში ჩემთვის იქნება გასაგები და ყველასაგან მისაღები, მაშინ მე გადავდგამ ამ ნაბიჯს", - განაცხადა სალომე ზურაბიშვილმა.