,,დარწმუნებული ვარ, რომ პოლიცია და შესაბამისი უწყებები ყველაფერს გააკეთებენ იმისთვის, რომ ეს ფაქტი გამოიძიონ. ყოველთვის დასაგმობია, როდესაც ასეთი რამ ხდება, მითუმეტეს როცა ადამიანები ფიზიკურად ასე შავდებიან", - განაცხადა ფანჯიკიძემ.

შეგახსენებთ, რომ კლუბ-რესტორან „la trufe"-ში დაახლოებით 00:00 საათზე, რესტორნის ქვედა სართულზე, მაგიდებთან მსხდომ სტუმრებს შორის სიტყვიერი შელაპარაკება მოხდა, რომელიც ჩხუბში გადაიზარდა. მოწმეების თქმით, რესტორანში იმყოფებოდნენ ივანე მერაბიშვილი მეუღლესთან ერთად, ასევე, პარლამენტის წევრები, დეპუტატები: გიორგი ვაშაძე, დავით საყვარელიძე, თინათინ ბოკუჩავა, სამეგრელო - ზემო სვანეთის ყოფილი გუბერნატორი ზაზა გოროზია და მათთან ერთად კიდევ რამდენიმე პირი.

შინაგან საქმეთა სამინისტრომ, მომხდარ ფაქტთან დაკავშირებით, საქმე ხულიგნობის ფაქტზე სსსკ-ის 239-ე მუხლის მე-2 ნაწილის „ა" ქვეპუნქტის საფუძველზე აღძრა.