,,ქართული ოცნების" საპრეზიდენტო კანდიდატი ამ შემთხვევაში პრემიერ-მინისტრის პირად კანდიდატურას წარმოადგენს", - განაცხადა ჟურნალისტებთან საუბრისას საპარლამენტო ოპოზიციის ლიდერმა დავით ბაქრაძემ კოალიცია ,,ქართული ოცნების" საპრეზიდენტო კანდიდატის კომენტირებისას.
,,ეს ის შემთხვევაა, როდესაც სრულიად დავეთანხმებოდი გია ხუხაშვილს და ვიტყოდი, რომ მომავალ პრეზიდენტს ექნება ძალიან მძიმე ტვირთი ქვეყნის გამთლიანების, ქვეყნის გაერთიანების, ქვეყნის წარმომადგენლის, როგორც კონფლიქტის მოგვარების, ასევე დეოკუპაციის მოლაპარაკების პროცესში", - განაცხადა ბაქრაძემ.
შეგახსენებთ, რომ ბიძინა ივანიშვილმა კოალიცია ,,ქართული ოცნების" საპრეზიდენტო კანდიდატად გიორგი მარგველაშვილი დაასახელა.
