პრემიერ-მინისტრ, ბიძინა ივანიშვილის განცხადებით, საქართველოს პრეზიდენტის პოსტზე გიორგი მარგველაშვილის კანდიდატურა იდეალურია.
"გიორგის ყველა კარგად იცნობს. მას ჩემი აზრით, აქვს ყველა ის თვისება, რომელიც კარგ პრეზიდენტს უნდა ჰქონდეს. ეს იდეალური ვარიანტია. მას აქვს შესაფერისი განათლება, კრეატიულობა, ასევე კრიზისულ სიტუაციაში უნიკალურია, არის კარგი ანალიტიკოსი, ექსპერტი, თუ რაიმე გამიჭირდება, ყოველთვის რჩევისთვის გიორგის და მასთან ერთად სულ რამდენიმე ადამიანს მივმართავ. გარდა ამისა, ის ძლიერი ოპონენტია, არაფერს შეგარჩენს და გაპატიებს. მე ბედნიერი ვარ, რომ ასეთ ადამიანს ვიცნობ", - განაცხადა ივანიშვილმა და აღნიშნა, რომ მისი თანაგუნდელების პოზიცია ამ კანდიდატურაზე ერთიანი იყო.