მიმდინარე წლის 8 მაისს, საქართველოს ფინანსთა მინისტრი ნოდარ ხადური სამუშაო ვიზიტით თურქეთში გაემგზავრა, სადაც ქ.სტამბულში მონაწილეობას მიიღებს ევროპის რეკონსტრუქციისა და განვითარების ბანკის (EBRD) დირექტორთა საბჭოს ყოველწლიურ შეხვედრასა და ბიზნეს ფორუმში.
ყოველწლიური შეხვედრის მიმდინარეობისას დაგეგმილია საქართველოს ფინანსთამინისტრის, ნოდარ ხადურის, როგორც ევროპის რეკონსტრუქციისა და განვითარების ბანკში საქართველოს მმართველის სიტყვით გამოსვლა.
სამუშაო ვიზიტის ფარგლებში ფინანსთა მინისტრი შეხვდება ევროპის რეკონსტრუქციისა და განვითარების ბანკის პრეზიდენტს, სუმა ჩაკრაბარტის (Suma Chakrabarti), EBRD-ის ვიცე-პრეზიდენტს საბანკო საკითხებში ფილიპ ბენეტს (Philip Bennett)
ნოდარ ხადური ასევე შეხვდება ნავთობის ექსპორტიორ ქვეყანათა ორგანიზაციის (OPEC) საერთაშორისო განვითარების ფონდის (OFID) წარმომადგენლებს, ტაივანის დელეგაციას. გაიმართება მოლაპარაკებები ამერიკის შეერთებული შტატების ხაზინის ევროპისა და აზიის დეპარტამენტის დირექტორთან, ჯეფ ბეიკერთან (Jeff Baker)
დაგეგმილია ნოდარ ხადურის ორმხრივი შეხვედრები „დოიჩე ბანკის" (Deutsche Bank) და „სითიჯგუფის" (Citigroup), ასევე ჟურნალ „ევრომანის" (Euromoney) გამომცემელთა ჯგუფის წარმომადგენლებთან.
მასალის გამოყენების პირობები