,,ქართული ოცნების" ერთ-ერთმა ლიდერმა, ელისო ჩაფიძემ კოალიცია ,,ქართული ოცნების" სავარაუდო საპრეზიდენტო კანდიდატები დაასახელა. როგორც ჩაფიძემ ჟურნალისტებთან პოლიტსაბჭოს სხდომის დაწყებამდე განაცხადა, კოალიციას ხუთზე მეტი საპრეზიდენტო კანდიდატი ჰყავს.
,,არის ხუთზე მეტი კანდიდატი. ყველა უაღრესად განათლებული, ღირსეული, სუფთა წარსულის და სხვათა შორის, სიმპატიური. სალომე ზურაბიშვილი ერთ-ერთი ღირსეული კანდიდატია და სასიამოვნო იქნება, თუ მასაც ექნება ანალოგიური სურვილი და პოლიტსაბჭოსაც", -განაცხადა ელისო ჩაფიძემ, რომელმაც აღნიშნა, რომ საპრეზიდენტო კანდიდატებს შორის ასევე განიხილება კახა კალაძე, არმაზ ახვლედიანი, ირაკლი ალასანია და ვახტანგ ხმალაძე.
მასალის გამოყენების პირობები
