საქართველოს საგარეო საქმეთა ყოფილი მინისტრი სალომე ზურაბიშვილი საქართველოში განვითაებულ ბოლოდრონდელ მოვლენებს აფასებს და აღნიშნავს, რომ შექმნილი ,,სარკისებური სურათი" მეტ კითხვებსა და ეჭვს უჩენს.
,,რატომ არის, რომ რაღაც დაუჯერებლად მომეჩვენება ეს კორუფციული გარიგებები.... პირადად არ ვიცნობ სოფლის მეურნეობის მინისტრს და ამიტომ არც ვიცავ და არც ვადანაშაულებ ... ეს გამოძიების საქმეა... მე ლოგიკიდან გამომდინარე მაინც მგონია, რომ ბიძინასგან საკმაოდ მკაცრად გაფრთხილებული მინისტრები ამას ვერ გაბედავდნენ, თან მათი მანდატის საწყის პერიოდში ... მაინც უფრო გუბერნატორების, ადგილობრივი მმართველობების (ვინც აქამდე ხელშეუხებლად მართავდნენ მიწების ყიდვა გაყიდვას და საგებელს არ იკლებდნენ) გამოწვეულ მახეებს ჰგავს ეს ყველაფერი.... ძალიან უცნაურია რომ რაღაც ექვს თვეში ნაცებმა მოახერხეს და ყველა მათი ჩადენილი უმძიმესი დანაშაულები ვითომც და ახალ მთავრობას გადაანაცვლეს: დაუკვირდით ყველაფერი ვითომც მეორდება ანუ პოლიციური დარბევები, ელიტარული კორუფცია, დევნა, უსამართლობა... ასეთი "სარკისებური სურათი" ცოტა არ იყოს ჩემში იწვევს უფრო მეტ კითხვებსა და ეჭვს ... და მგონი ჯობს ნაადრევი დასკვნებისგან თავი შევიკავოთ, უფრო მშვიდად გავაანალიზოთ სიტუაცია და ჩვენი არჩევნანის მიმართ ცოტა მეტი ერთგულება და ნდობა გამოვიჩინოთ!", -აცხადებს სალომე ზურაბიშვილი.