მისივე თქმით, ასევე სიცრუეა მისი კავშირი ბოლოტნის მოედანთან დაკავშირებულ საქმესთან და მეტიც, თარგამაძის განცხადებით ის საერთოდ არ იცნობს ლებედევს. განცხადებები ამის შესახებ თარგამაძემ ბელორუსულ გამოცემა "ტელეგრაფთან" გააკეთა.

"მინდა გავაკეთო პატარა განცხადება, რომელიც ვინმე კონსტანტინე ლებედევის ყალბ გამონათქვამებს ეხება. მისი განცხადებით, მე თითქოს ბელორუსულ სპეცსამსახურებს იქაური ოპოზიციური მოძრაობის შესახებ ინფორმაციას ვაწვდიდი. პასუხისმგებლობით ვაცხადებ: ყველაფერი რაც ითქვა არის ბინძური სიცრუე პირველი სიტყვიდან ბოლო სიტყვამდე. მთელი ეს აურზაური, რომლითაც ჩემი "ბოლოტნი საქმესთან" დაკავშირება ხდება მხოლოდ ერთ მიზანს ატარებს - დააპატიმრონ რუსეთის ოპოზიციური მოძრაობის ერთ ერთი ლიდერი სერგეი უდალცოვი",_ აცხადებს გივი თარგამაზე.

შეგახსენებთ, რომ "კომერსანტთან" საუბარში ლებედევმა განაცხადა, რომ 2010 წელს თარგამაძე ბელორუსის ხელისუფლებას ოპოზიციის შესახებ ინფორმაციას აწვდიდა და ეს იყო ერთ ერთი პირობა იმისა, რომ ბელორუსს რუსეთთან ურთიერთობა გაეწყვიტა და საქართველოსთან ურთიერთობა გაემყარებინა. ლებედევმა ასევე განაცხადა, რომ თარგამაძეს 2005 წლიდან იცნობს, ჯერ კიდევ "ნარინჯისფერი რევოლუციის" დროიდან და მხოლოდ 2012 წელს მას სამჯერ შეხვდა.