,,სანამ გადავდგები, ერთი რამ უნდა ვთქვა- როზა ლუქსემბურგი არ არის საგინებელი სიტყვა", _ განაცხადა განათლების მინისტრმა გიორგი მარგველაშვილმა კობა დავითაშვლის განცხადების კომენტირებისას და აღნიშნა, რომ თანამდებობიდან გადადგომის შესახებ გადაწყვეტილებას კოლექტიურად მიიღებს.
კობას შეხედულება, ანგარიშგასაწევია, მე სხვა მეგობრებსაც დავეკითხები და ბუნებრივია, კოლექტიურად მივიღებთ ასეთ გადაწყვეტილებას. ბოლო ექვსი თვის განმავლობაში უფასო ფაკულტეტებით, უფასო წიგნებით, ბავშვების ტრანსპორტირებით, მასწავლებლებისთვის ხელფასის გაზრდით ნათლად გამოვავლინე ჩემი ღირებულებები რაც მაქვს. თუ მაინც საჭიროა რომ გადავდგე, კობასთან ერთად სხვა მეგობრებსაც დავეკითხები და მივიღებ გადაწყვეტილებას", - განაცხადა მარგველაშვილმა.
შეგახსენებთ, რომ კობა დავითაშვილის განცხადებით, გიორგი მარგველაშვილი თუ მიიჩნევს, რომ ახალი შრომის კოდექსი მიუღებელია, მინიმუმ ვიცე-პრემიერობიდან უნდა გადადგეს. მანამდე კი ვიცე-პრემიერმა და განათლების მინისტრმა გიორგი მარგველაშვილმა განაცხადა, რომ ,,პარლამენტში როზა ლუქსემბურგის ოცნების შრომის კოდექსია შესული".
