საქართველოს პრეზიდენტი მიხეილ სააკაშვილი ბიძინა ივანიშვილის განცხადებებს აშშ-დან ეხმიანება, რომელიც პრემიერ-მინისტრმა გუშინ გადაცემა "პოზიციაში" გააკეთა და აღნიშნა, რომ საქართველოში შესაძლოა ტერორისტების მომზადება ხდებოდა.
როგორც ქვეყნის პრეზიდენტი აცხადებს, ივანიშვილის განცხადება ზუსტად ჯდება იმ პროპაგანდაში, რასაც რუსეთი რამდენიმე წლის განმავლობაში ახორციელებდა.
"მე როგორც პრეზიდენტი სრული პასუხისმგებლობით ვაცხადებ, რომ საქართველო არასდროს არ მონაწილეობდა არა მხოლოდ ტერორისტების მომზადებაში, არამედ ჩვენ გავაკეთეთ ყველაფერი იმისათვის, რომ საქართველო ყოფილიყო უსაფრთხო, პასუხისმგებლიანი წევრი საერთაშორისო თანამეგობრობის"- განაცხადა მიხეილ სააკაშვილმა.
როგორც სააკაშვილი განმარტავს, ბოსტონოს ტერაქტის შემდეგ, სადაც გარეულია ორი ჩრდილოეთ კავკასიელი, პრემიერ-მინისტრის განცხადება შარში ხვევს საქართველოს".
"აშშ-ში სერიოზული ხალხია და ამ განცხადებას არავინ სერიოზულად არ მიიღებს, მაგრამ აშშ-იც სხვადასხვა ძალები მუშაობენ და შენ თუ გინდა რომ დააკარგინო საქართველოს დასავლეთის მხარდაჭერა, და სრულიად უიარაღოდ დატოვა ოკუპაციის წინაშე, მაშინ ასეთ რაღაცეებშიც უნდა სცადო მათი დარწმუნება. კიდე ერთხელ ვიმეორებ ვიდრე მე პრეზიდენტი ვარ, ის ალბად ამას ვერ მოახერხბს. ამ თემებით თამაში არ შეიძლება"- განაცხადა მიხეილ სააკაშვილმა აშშ-ში