"19 აპრილს აქციაზე ბევრი ადამიანის მისვლით, პრემიერ-მინისტრმა ბიძინა ივანიშვილმა ძალიან ინერვიულა"- აღნიშნულის შესახებ განცხადება "ნაციონალური მოძრაობის" გენერალურმა მდივანმა ვანო მერაბიშვილმა გააკეთა.
მერაბიშვილი, გადაცემა "პოლიტმეტრში" ბიძინა ივანიშვილის მიერ გაკეთებულ განცხადებას გამოეხმაურა და აღნიშნა, "ნაციონალური მოძრაობა" ხელისუფლების გააკრიტიკას გააგრძელებს, რათა საქართველოს მთავრობამ დაპირებები შეასრულოს.
""ნაციონალური მოძრაობა" მაქსიმალურად გააკრიტიკებს ხელისუფლებას, რომ საქართველოს მთავრობამ დაპირებები შეასრულოს. მე მინდა, ბატონ ბიძინას ვუთხრა, რომ საქართველოში ბოლო 7 თვის განმავლობაში, არათუ სერიოზული წინსვლები არ არის და პირიქით პრობლემებია ეკონომიკაში, არათუ არანაირი დამატებითი სამუშაო ადგილები არ შექმნილა, არამედ 82 ათასი სამუშაო ადგილი გაუქმდა"- აღნიშნა მერაბიშვილმა.
ივანიშვილის თქმით, მთელი ამ ხნის განმავლობაში ბიძინა ივანიშვილმა პოლიტიკოსისთვის დამახასიათებელი ბევრი თვისება ვერ შეიძინა. "მას მოუწევს ამ თვისებების შეძენა. ბრალდება, რომ აქციაზე ფულით მოიყვანეს ხალხი, არ არის პოლიტიკოსის სასაუბრო. მას მოუწევს შეგუება იმისა, რომ ქვეყანაში განსხვავებული აზრი არსებობს, მოუწევს საკუთარი გადაწყვეტილებების შეცვლა და ჩვენ ვაიძულებთ დღევანდელ ხელისუფლებას, რომ თავისი დაპირებები შეასრულოს. თუ ის ამას არ გააკეთებს, 19 აპრილი არ იქნება ბოლო მიტინგი რუსთაველის გამზირზე"- განაცხადა ივანიშვილმა.
