კობა დავითაშვილსა და დავით სერკეენკოს შორის ინციდენტი ამოწურულია. როგორც ბიზნესცენტრში გამართული შეხვედრის შემდეგ დეპუტატმა კობა დავითაშვილმა განაცხადა, ის ჯანდაცვის მინისტრთან შეხვედრით და მისგან მიღებული პასუხებით კმაყოფილია. როგორც დავითაშვილმა განმარტა, ის ჯანდაცვის მინისტრის პასუხებმა და განმარტებებმა დააკმაყოფილა. დეპუტატი დარწმუნებულია, რომ ჯადაცვის რეფორმა განხორციელდება ისე, როგორც "ქართული ოცნება" დაპირდა საზოგადოებას.
"მე დავსვი შეკითხვები და ამ შეკითხვებზე დღეს მივიღე პასუხები, რომელმაც დამაკმაყოფილა. პასუხების დეტალების გამხელისგან სახელმწიფო აუცილებლობიდან გამომდინარე თავს შევიკავებ, მაგრამ მიღებული პასუხები ისეთი იყო, რომ მე მჯერა ჯადაცვის რეფორმა განხორციელდება ისე, როგორც ჩვენ დავპირდით საზოგადოებას. ჩემი მიზანიც სწორედ ეს იყო, აქედან გამომდინარე, ეს თემა ამოწურულია" - განაცხადა კობა დავითაშვილმა.
