ცენტრალურმა საარჩევნო კომისიის ინფორმაციით, ოლქი ამომრჩეველთა რაოდენობა აქტივობა 12:00 სთ-ის მდგომარეობით №9 ნაძალადევი 140,892 10.2 % №52 ბაღდათი 23,351 21.6 % № 54 სამტრედია 48,455 18.4 % საინფორმაციო ბრიფინგზე, ცესკოს სპიკერმა ეკა აზარაშვილმა მედიას ბაღდათის №13-ე უბანზე არსებულ დარღვევასთან დაკავშირებით წარუდგინა ინფორმაცია - "აღნიშნულ უბანზე წყალტუბოს გამგებლის მოადგილე ზურაბ ჯიმშელეიშვილი არასამთავრობო ორგანიზაცია "საარჩევნო გარემოს განვითარების ცეტნრის" დამკვირვებლის სტატუსით უკანონოდ აკვირდებოდა არჩევნებს. ჩვენი ინფორმაციით მას უკვე ჩამოერთვა დამკვირვებლის მოწმობა და აღარ აკვირდება კენჭისყრის პროცესს. ამასთან, ცესკოში უკვე მიმდინარეობს სამართლებრივი პროცედურები ამ პიროვნების, როგორც დამკვირვებლის რეგისტრაციის გაუქმებაზე," განუცხადა ეკა აზარაშვილმა ჟურნალისტებს.
ცესკოს სპიკერმა ასევე განმარტა სამართლებრივი ვადები საარჩევნო სუბიექტების მხრიდან კანდიდატურების მოხსნასთან მიმართებაში - "17 აპრილი იყო საარჩევნო სუბიექტების მხრიდან კანდიდატურების მოხსნის ბოლო ვადა. შესაბამისად, ამ ვადის ამოწურვის შემდეგ საარჩევნო სუბიექტების მიერ გაკეთებული განცხადებები კანდიდატურის მოხსნის თაობაზე გავლენას ვერ მოახდენს ბიულეტენში წამოდგენილ მაჟორიტართა ჩამონათვალზე," აღნიშნა ეკა აზარაშვილმა.
