"ბუნტის დროს ციხესთან მივედი ღამით, 01:30 საათისთვის, რადგან პატიმრებმა დამირეკეს, ციხე ავიღეთ, ჯარი შემოიყვანეს, მობრძანდით და გთხოვთ, არ გვესროლონო. მე იქ დავინახე, რომ ბაჩო ახალაია მბრძანებელი კი არ იყო, არამედ იყო შემსრულებელი, ხან ერთთან მირბოდა, ხან მეორესთან, ხან მესამესთან - იქ იყვნენ ადეიშვილი, მერაბიშვილი და მერე მოვიდა ბოკერიაც. მე მაშინ მერაბიშვილს შევთავაზე, ციხეში შევალ, პატიმრებს საკნებში შევიყვან და ამით ყველაფერი დამთავრდება-მეთქი. თავდაპირველად დამთანხმდა, თუმცა ის იყო სოზარ სუბართან ერთად ციხეში უნდა შევსულიყავი, რომ ისევ მერაბიშვილის წარმომადგენელი მოვიდა და მითხრა, რომ ქალბატონო ელენე, გადაიფიქრესო. მერე უცებ დაიწყეს სროლა, ეს მოულოდნელი იყო, რადგან ვანო მერაბიშვილმა მომცა პირობა, რომ არ ისროდნენ", - განაცხადა თევდორაძემ და აღნიშნა, რომ კონსტიტუციური უსაფრთხოების ყოფილ ხელმძღვანელს დათა ახალაიას ექცეოდნენ ისე, როგორც "ჩისტილშჩიკს". როგორც თევდორაძემ ,,პოლიტმეტრში" სტუმრობისას განაცხადა მას ურთიერთობა ჰქონდა მეგის ქარდავასთან.

,,ღმერთმა დამიფაროს, რომ მეც ვყოფილიყავი მასთან ერთად. მე მას ვუპირისპირდებოდი. ერთხელ, მახსოვს, როცა ის მე-7 ციხის დირექტორი იყო და მასთან შევედი, სიწყნარე იყო, სიჩუმე. ვეკითხები, რა ხდება-მეთქი? "აბა ვინმემ გაბედოს და გაიცინოს, მივალ და "ვთხლიშავო", - ასე მიპასუხა. გაოცებული ვიყავი, გავიქეცი და ბაჩოს ვუთხარი, ვინ გყავს დირექტორად-მეთქი", - აღნიშნა თევდორაძემ.