"იქამდე სანამ დათა ახალაია საქართველოში არ ჩამოვა და ანალოგიურ ჩვენებას არ მისცემს, იქამდე არანაირი გამოძიება არ დაიწყება", -განაცხადა ჟურნალისტებთან შეხვედრისას მთავარმა პროკურორმა არჩილ კბილაშვილმა დათა ახალაიას განცხადების კომენტირებისას.
,,ჩვენ გავეცანით იმ განცხადებას, რომელიც გამოქვეყნდა. აუცილებელია დაზუსტებით ცოდა იმისა, რომ ეს განცხადება ნამდვილად დათა ახალაიას ეკუთვნის.ეს ცოდა ზუსტი იქნება მაშინ თუ ეს ადამიანი ჩამოვა საქართველოში და შესაბამის ჩვენებას მისცემს სამართალდამცავ ორგანოს. ასეთ შემთხვევაში ის ფაქტები, რომელიც მის სავარაუდო განცხადებაშია მოყვანილი სამ თემაზეა ლაპარაკი, ლაფანყურის ოპერაციაზე, ციხის კადრების შექმნასა და მის საზღვარგარეთ გატანაზე, ასევე იალღუჯაზე ჯარისკაცების მიმართ არაადამიანურ მოპყრობაზე. მოკლედ თუ ის ასეთ ჩვენებას მისცემს, ბუნებრივია ამ ჩვენების მიხედვით მოვახდენთ საქმის გადამოწმებას, დადასტურების, ან უარყოფის თვალსაზრისით", _განაცხადა კბილაშვილმა და აღნიშნა, რომ იქამდე სანამ დადასტურებულად არ დადგინდება, რომ განცხადება დათა ახალაისას მიერაა გავრცელებული და იქამდე სანამ ახალაია ანალოგიურ ჩვენებას არ მისცემს, იქამდე არანაირი გამოძიება არ წარიმართება.