ექსპერტი რამაზ საყვარელიძე ეროვნულ-დემოკრატიული ინსტიტუტის (NDI) კვლევის შედეგებს საზოგადოებრივი აზრის გამომხატველ სეგმენტში მეტ-ნაკლებად ენდობა.
როგორც მან "ჯი-ეიჩ-ენთან" საუბრისას აღნიშნა, NDI-ის კვლევებს დიდად არ ენდობა, მაგრამ უფრო მეტად იმ სეგმენტში, სადაც პოლიტიკური რეიტინგებია ასახული.
"იმიტომ, რომ გარკვეული გავლენა პოლიტიკური ინტერესებისა, NDI-ის კვლევებში არის ცალსახა. საზოგადოებრივ ცხოვრებასთან დაკავშირებული საკითხები კი, უფრო ახლოსაა რეალობასთან", - განაცხადა საყვარელიძემ.
ექსპერტი მიიჩნევს, რომ ოჯახის კეთილდღეობა ეკონომიკაზეა დამოკიდებული, შესაბამისად, ეკონომიკა განსაზღვრავს კვლევაში ასახული ოჯახური მდგომარეობის პროცენტულ მაჩვენებელსაც.
"ეკონომიკური ცვლილებები ძალიან ნელა მიმდინარეობს. ნახევარი წელიწადი ამისთვის საკმარისი არაა. ეკონომიკური მდგომარეობის გაუარესების ტენდენცია კი, ისედაც იყო ქვეყანაში. მაშინ, ეკონომიკის უძრაობის პირობებში მდგომარეობის გაუარესებაც უნდა ყოფილიყო", - განაცხადა საყვარელიძემ.
NDI-მ საზოგადოებრივი აზრის კვლევის შედეგების პირველი ნაწილის პრეზენტაცია დღეს გამართა.
კვლევის თანახმად, გამოკითხულთა 81% აზრით, 2012 წლის ოქტომბრის შემდეგ იგივე მდგომარეობაშია, რესპონდენტთა 10 % უფრო უკეთესად, ხოლო გამოკითხულთა 8% მიიჩნევს, რომ 2012 წლის ოქტომბრის შემდეგ უარესადაა.
