ექსპერტი რამაზ საყვარელიძე მიიჩნევს, რომ ეროვნულ-დემოკრატიული ინსტიტუტის (NDI) კვლევის შედეგებში, პრეზიდენტის არჩევის წესთან დაკავშირებით, პროცენტულ მაჩვენებელში დიდი ცდომილება არაა.
როგორც მან "ჯი-ეიჩ-ენთან" საუბრისას აღნიშნა, შესაძლოა, კვლევის დროს იკითხეს, თუ რამდენმა გამოკითხულმა იცის იცვლება თუ არა პრეზიდენტის სტატუსი მომავალი არჩევნების შემდეგ.
მისი თქმით, დიდი ალბათობით, მოსახლეობის დიდმა ნაწილმა არ იცის ცვლილება ხდება თუ არა.
"შესაძლოა, მოსახლეობის დიდმა ნაწილმა არ იცის ცვლილება ხდება თუ არა და ირჩევენ პრეზიდენტს ის, როგორც ხდებოდა ადრე. თუ ის არის აღმასრულებელი ხელისუფლების, მთავრობის პირველი პირი, როგორც ადრე იყო, რა თქმა უნდა პირდაპირი არჩევა ურჩევნია მას, როგორც მოქალაქეს", - განმარტა საყვარელიძემ.
NDI-ის მიერ ჩატარებული კვლევის თანახმად, გამოკითხულთა 88% მიიჩნევს, რომ პრეზიდენტი პირდაპირი წესით უნდა აირჩიონ, ხოლო რესპონდენტთა 8%-ს მიაჩნია, რომ პრეზიდენტი პარლამენტმა უნდა აირჩიოს.