თბილისის მერია თანახმაა, შეიქმნას საინიციატივო ჯგუფი, რომელიც უზრუნველყოფს 19 აპრილს პარტია „ნაციონალური მოძრაობის" აქციის უსაფრთხოებას. თბილისის მერია საკოორდინაციო საბჭოსთვის სპეციალურ უფლებამოსილ წარმომადგენელს გამოყოფს.
მერია აცხადებს, რომ მოქმედი კანონმდებლობით შეკრების ჩატარებისას საზოგადოებრივი წესრიგის დაცვა და შესაძლო სამართალდარღვევების პრევენცია შინაგან საქმეთა სამინისტროს კომპეტენციაა, თუმცა, ისინი მზად არიან ხელი შეუწყონ სამინისტროს მასზე დაკისრებული ამოცანების შესრულებაში.
საკოორდინაციო საბჭოს შექმნის ინიციატივით შინაგან საქმეთა სამინისტრომ თბილისის მერიასა და აქციის ორგანიზატორებს დღეს მიმართა.
