ეროვნული-დემოკრატიული ინსტიტუტის მიერ ჩატარებული კვლევის თანახმად, (NDI)Nგამოკითხულთა 49% არ მოსწონს ამჟამინდელი ხელისუფლების ურთიერთობა რუსეთთან, რესპონდენტთა 38% მოსწონს, ხოლო 12%-მა დასმულ კითხვაზე პასუხი არ იცის.
რაც შეეხება NDI-ის შეკითხვას, ,,რომელ მოსაზრებას ეთანხმებით, ყველაზე მეტად? გამოკითხულთა 42% მიჩნევს, რომ რუსეთი საქართველოსთვის საფრთხეს წარმოადგენს, მაგრამ ეს საფრთხე გაზვიადებულია, 26%-ის აზრით, რუსეთის საქართველოსთვის რეალურ და არსებით საფრთხეს წარმოადგენს, გამოკითხულთა 23% კი მიიჩნევს, რომ რუსეთი საქართველოსთვის არანაირ საფრთხეს არ წარმოადგენს.
შეგახსენებთ, რომ კვლევა ჩატარდა 2013 წლის 13 მარტიდან 27 მარტის პერიოდში. Kკვლევისას საქართველოს მასშტაბით 3 103 რესპონდენტი პირისპირი ინტერვიუს პრინციპით გამოიკითხა. კვლევაში საშუალო ცდომილების ზღვარი +-2, 5%. NDI-ის კვლევა შვედეთის საერთაშორისო თანამშრომლობის განვითარების სააგენტომ დააფინანსა, ხოლო კვლევა კავკასიის კვლევითი რესურსების ცენტრმა ჩაატარა.