საერთაშორისო ოლიმპიური კომიტეტის პრეზიდენტის ჟაკ როგეს განცხადებით, ქართველი მოციგავის, ნოდარ ქუმარიტაშვილის ტრაგიკურად დაღუპვის მიზეზი ამინდი ან ძლიერი კონკურენციაც შეიძლებოდა გამხდარიყო.
აღნიშნული განცხადება ჟან როგემ დღეს გააკეთა.
ამასთან, მისივე შეფასებით, შეცდომები იქნა დაშვებული თავად ვანკუვერის ოლიმპიური კომიტეტის მხრიდანაც.
"მართალია ეს შეცდომები გათვალისწინებულ იქნა, მაგრამ ეს ქართველ სპორტსმენს სიცოცხლის ფასად დაუჯდა", - განაცხადა მან.
ამასთან, ჟაკ როგეს განმარტებით, მომხდართა დაკავშირებით გამოძიება მიმდინარეობს და ტრაგედიის მიზეზებთან დაკავშირებით დასკვნა მარტის ბოლოს ან აპრილის დასაწყისში დაიდება.
"ეს ტრაგედია არავის დაავიწყდება", - განმარტა საერთაშორისო ოლიმპიური კომიტეტის პრეზიდენტმა.
