„თეთრების" ლიდერი თემურ შაშიაშვილი მესამე პოლიტიკურიი ცენტრის შექმნის თაობაზე საქართველოს პრემიერ-მინისტრის ბიძინა ივანიშვილის განცხადებას ეხმაურება და მის პოზიციას არასწორი მიდგომად აფასებს.
„ მიმაჩნია, რომ ბიძინა ივანიშვილი კვლავ რჩება საქართველოს შანსად, ის არის წარმატებული ადამიანი, სახელმწიფო მოღვაწე, თუმცა არასწორად მიმაჩნია, მისი განცხადება, ვინც მას მოსწონს, თურმე იმ პარტიებმა უნდა შექმნან მესამე ცენტრი, რაც თავისთავად ნიშნავს „ნაციონალური მოძრაობის" პოლიტიკურ ოპოზიციად და მეორე ცენტრად აღიარებას, რაც არის სამომავლო ბომბი, - აცხადებს შაშიაშვილი, - ., ყველა ხედავს, როგორი ჩასაფრებული და უტიფარია „ნაციონალური მოძრაობა", რომელიც რეალურად არის პოლიტიკური სექტა. დღეს ამ სექტის პოლიტიკურ ოპოზიციად აღიარება არის უდიდესი შეცდომა. ხოლო მესამე ცენტრის შექმნა იმის მიხედვით, მოსწონს თუ არ მოსწონს ბატონ ბიძინა ივანიშვილს რომელიმე პოლიტიკური ძალა, სურს თუ არა ვიღაცის აღზევება და მისთვის რამდენიმე მილიონის დახარჯვა, ხოლო ვიღაცის განადგურება, ამ ნიშნით პოლიტიკური ცენტრის ჩამოყალიბება - არის არასწორი მიდგომა და კარგ შედეგს არ მოიტანს”. - მიაჩნია თეთრების ლიდერს.
„საქართველოს პოლიტიკური მომავალი დაკავშირებულია პოლიტიკურ პარტიებთან და შაშიაშვილის აზრით დღეს სამწუხაროა, საქართველოში პოლიტიკიდან განდევნილია გონება და მძლავრობს პოლიტიკური ემოცია, რომელიც პოლიტიკურ ამბიციას ემსახურება".
თეთრების ლიდერის აზრით დღეს პოლიტიკურ წრეებში ნაკლებად მძლავრობენ ეროვნული განწყობის ძალები.
„24 წლის წინათ საქართველო ტაშს უკრავდა ეროვნული განწყობის პოლიტიკოსებს, ახლა კი უკვე ცინიზმია ეროვნული განწყობის პოლიტიკოსების მიმართ ხელისუფლებაშიც და მის გარეთაც მისაღებია მხოლოდ ის, ვინც ვაშინგტონს გაეგება ფეხქვეშ, ან მონობას გამოუცხადებს რუსეთს „ ვისურვებდი, საქართველოს პრემიერიც და მომავალი პრეზიდენტიც ნამდვილი პატრიოტები იყვნენ. თუ ერთ-ორ წელიწადში ეროვნული იდეების მქონე პოლიტიკოსების გაძლიერება არ მოხდა ქვეყანა აღმოჩნდება უმძიმეს მდგომარეობაში..." - აცხადებს შაშიაშვილი.