ინფორმაციას პრეზიდენტის ადმინისტრაციაში გაცემულ პრემიებთან დაკავშირებით "ინფორმაციის თავისუფლების განვითარების ინსტიტუტი" დღეს გამოაქვეყნებს.
ორგანიზაციაში აცხადებენ, რომ ის თანხები, რაც გაცემულია პრემიების სახით, საკმაოდ სოლიდურია. ორგანიზაციის თავმჯდომარე ლევან ავალიშვილის განცხადებით, მიდგომა პრემიების მიმართ უნდა შეიცვალოს და კანონით დარეგულირდეს.
"ინფორმაციის თავისუფლების განვითარების ინსტიტუტმა" ასევე გამოაქვეყნა 2012 წლის 1 იანვრიდან 2013 წლის 18 თებერვლამდე სოციალური მომსახურების სააგენტოში გაცემული პრემიების რაოდენობა, რომელმაც ხუთი მილიონ ასორმოცდათვრამეტი ათას ოცდახუთი ლარი შეადგინა.
გამოქვეყნებული ინფორმაციით დგინდება, რომ უწყებაში მოადგილეები ხელფასზე გაცილებით მეტი ოდენობის პრემიებს იღებდნენ.