საქართველოს პარლამენტის საზოგადოებასთან ურთიერთობის სამსახურის ყოფილი უფროსი მაკა გიგაური საბურთალოს რაიონის გამგებლის გია ხუროშვილის მოადგილედ იმუშავებს.
როგორც გიგაური აცხადებს, პარლამენტის თავმჯდომარეს მის მიერ დაკავებული თანამდებობიდან გათავისუფლების შესახებ განცხადების ბრძანებაზე ხელი ჯერ არ მოუწერია.
"სავარაუდოდ, 1 აპრილიდან შემიწყდება უფლებამოსილება პარლამენტში და ალბათ 2-3 აპრილიდან ახალ თანამდებობაზე შევუდგები მუშაობას", - განაცხადა გიგაურმა.
საზოგადოებასთან ურთიერთობის სამსახურის აწ უკვე ყოფილმა უფროსმა სამსახურიდან წასვლის შესახებ რამდენიმე დღის წინ განაცხადა. მისი თქმით, თანამდებობას პირადი განცხადების საფუძველზე ტოვებს და სხვა ფაქტორს ადგილი არ ჰქონია.
მაკა გიგაური საქართველოს საკანონმდებლო ორგანოში საზოგადოებასთან ურთიერთობის სამსახურის უფროსის თანამდებობაზე 2008 წელს დაინიშნა. მანამდე ის საგარეო საქმეთა სამინისტროში ინფორმაციის დეპარტამენტს ხელმძღვანელად, კონფლიქტების მოგვარების საკითხებში სახელმწიფო მინისტრის აპარატში მედიასთან ურთიერთობის კოორდინატორად მუშაობდა.
