,,შუალედური არჩევნების ჩატარება ახალი ხელისუფლებისთვის დიდი პასუხისმგებლობაა", -განაცხადა ჟურნალისტებთან კოალიცია ,,ქართული ოცნების" მაჟორიტარმა კანდიდატმა თამარ კორძაიამ და აღნიშნა, რომ საზოგადოებამ კიდევ ერთხელ უნდა გააკეთოს გონივრული არჩევანი.
,,ეს არის პირველი არჩევნები, რომელსაც ატარებს ახალი ხელისუფლება და ეს არის ძალიან დიდი პასუხისმგებლობა ხელისუფლებისთვის. თუმცა ხაზი მინდა გავუსვა იმას, რომ ეს არის არა მხოლოდ ხელისუფლების პასუხისმგებლობა, ეს არის ბაღდადის, სამტრედიის და ნაძალადევის რაიონის მოსახლეობის მაღალი პატივი, რომ მათ კიდევ ერთხელ მიიღონ გონივრული და სამართლიანი გადაწყვეტილება", -განაცხადა კორძაიამ და აღნიშნა, რომ პირველ ოქტომბერს საზოგადოებამ აჩვენა, რომ მათ აქვთ გონივრული გადაწყვეტილების მიღების უნარი აქვთ.
მისივე განცხადებით, გაცილებით უკეთესი იქნებოდა თუ არჩევნები უკეთესი კანონმდებლობით ჩატარდებოდა.
,,უკეთესი იქნებოდა საარჩევნო პროცესი ტარდებოდეს გაცილებით უფრო დახვეწილი კანონმდებლობის ფარგლებში, მაგრამ ხალხის ნებას ცუდი კანონიც კი ვერ აღუდგა პირველ ოქტომბერს ", -განაცხადა თამარ კორძაიამ.
შეგახსენებთ, რომ პრემიერ-მინისტრმა ბიძინა ივანიშვილმა თამარ კორძაია შუალედურ არჩევნებში ნაძალადევის რაიონში კოალიცია ,,ქართული ოცნების" მაჟორიტარ კანდიდატად წარდგინა.
მასალის გამოყენების პირობები