,,საერთო სასამართლოების შესახებ" კანონპროექტთან დაკავშირებით საპარლამენტო უმცირესობის ვერსიებს მოვისმენთ", -განაცხადა ჟურნალისტებთან კოალიცია ,,ქართული ოცნების' ლიდერმა თინა ხიდაშელმა ,,საერთო სასამართლოების შესახებ" კანონპროექტში შესატანილი ცვლილებების კომენტირებისას.
,,ვენეციის კომისიის რეკომენდაციები გაზიარებულია პრაქტიკულად მაქსიმალკურად სრულად. რისთვის ვართ მზად ამის შესახებ აუცილებლად გაგაგებინებთ ოღონდ მას შემდეგ რაც მოვისმენთ კონკრეტულად სამართლებრივად რა წუხილი აქვს უმცირესობას", -განაცხადა თინა ხიდაშელმა და აღნიშნა, რომ პრეზიდენტს ,,საერთო სასამართლოების შესახებ"' კანონპროექტთან დაკავშირებით არცერთი კონკრეტული წინადადება არ წარმოუდგენია.
,,გარდა იმისა, რომ მიხეილ სააკაშვილის დემაგოგიას ვისმენთ უკვე რამდენიმე დღეა, ჩვენ მისგან არცერთი კონკრეტული თემა არ გაგვიგია. მე ვარ, აბსოლუტურად დარწმუნებული, რომ პარლამენტში უმცირესობის სახით გაცილებით რაციონალური ადამიანები არიან წარმოდგენილები და ისინი მოიტანენ დაწერილ საკუთარ სურვილებს, ამიტომ ჩვენ მათ მოვუსმენთ, თუ რა ვერსიები, რა ინტერესები აქვთ და შემდეგ საზოგადოებას გავაგებინებთ ყველაფერ დანარჩენს", -განაცხადა თინა ხიდაშელმა.
შეგახსენებთ, რომ დღეს ,,საერთო სასამართლოების შესახებ" კანონპროექტთან დაკავშირებით კონსულტაციები თავით ბაქრაძესა და დავით უსუფაშვილს შორის გაიმართება.