"არსებობს მყარი საფუძველი ასოცირების შეთანხმების ხელმოსაწერად და ჩვენ ამაზე უნდა ვიმუშავოთ," - განაცხადა ქართველ კოლეგასთან შეხვედრისას ნიდერლანდების სამეფოს საგარეო საქმეთა მინისტრმა, - "საქართველოსთან კონკრეტულად ასოცირების შეთანხმების შესახებ ვსაუბრობთ, რომელიც მყარ საფუძველს ქმნის ეკონომიკური განვითარების, პოლიტიკური თანამშრომლობისა და ხალხთა შორის ურთიერთობებისთვის".
შეხვედრა მაია ფანჯიკიძესა და ფრანს ტიმერმანსს შორის ქართველი მინისტრის ნიდერლანდების სამეფოში ვიზიტის ფარგლებში გაიმართა.
შეხვედრებზე განსაკუთრებული ყურადღება დაეთმო ორ ქვეყანას შორის ორმხრივი და მრავალმხრივი ურთიერთობების აქტუალურ საკითხებსა და სხვადასხვა სფეროში თანამშრომლობის გაღრმავების პერსპექტივებს. შეაფასეს საქართველოს ევროკავშირსა და ნატო-ში ინტეგრაციის თვალსაზრისით მიღწეული პროგრესი და თანამშრომლობის სამომავლო გეგმები.
მაია ფანჯიკიძემ შეხვედრა გამართა ნიდერლანდების თავდაცვის მინისტრთან ჟანინ ჰენის-პლასჩერტისთან.
