"სამი წინადადებით შეიძლება დავახასიათოთ "ოცნების" დღევანდელი სახელმწიფოებრივი კურსი", _ აცხადებს სააგენტო "ჯი-ეიჩ-ენთან" საუბრისას უმცირესობის წევრი, ტერიტორიული მთლიანობის აღდგენის დროებითი საპარლამენტო კომიტეტის ყოფილი თავმჯდომარე შოთა მალაშხია.
"ზოგადად სამი წინადადებით შეიძლება დავახასიათოთ "ოცნების" დღევანდელი სახელმწიფოებრივი კურსი. ეს არის მეზობლებთან დაპირიპირება და მათთან პრობლემების შექმნა - იმიტომ, რომ პრემიერ-მინისტრი ერთს ამბობს ვიზიტის წინ და მეორეს დაბრუნებისას და ამას ქვია, პოლიტიკაში ასეთი ტერმინი არ არსებობს ბიზნესშია მხოლოდ "გადაგდების პოლიტიკა", რომელიც არ ამართლებს ხანგრძლივად.
რუსი ოლიგარქისათვის ეს შეიძლება მისაღები იყოს, მაგრამ ზოგადად პოლიტიკაში, პრემიერ- მინისტრისათვის როგორც სახელმწიფოს წარმომადგენლისათვის ან სახელმწიფოსთვის - არის დამანგრეველი.
მეორე - ეს არის სრული იზოლაცია დასავლეთისგან და არაერთი განცხადება არსებობს და დაპირისპირებული ფონი არის ყოველთვის დასავლეთთან და მესამე პოზიცია არის სრული კაპიტულანტური მიდგომა რუსეთისადმი", _ აცხადებს მალაშხია.
