საქართველოს პარლამენტის თავმჯდომარე დავით უსუფაშვილი ამერიკის შეერთებულ შტატებში შეხვედრებს განაგრძობს.
რამდენიმე საათში კარნეგის ცენტრში დავით უსუფაშვილის შეხვედრა დაიწყება.
პარლამენტის თავმჯდომარე აქცენტს ქვეყნის იმ პროპრიტეტებზე გააკეთებს, რომელიც ხელისუფლების სამოქმედო გეგმაშია გაწერილი. ის შეკრებილ საზოგადოებას ოთხი თვის მუშაობის შედეგებს გააცნობს.
"გვქონდა შეხვედრა თავდაცვის დეპარტამენტში, პენტაგონში. ვისაუბრეთ ჩვენი თანამშრომლობის შესახებ თავდაცვის და სამხედრო სფეროში. გვქონდა შეხვედრა სენატორ ტერნერთან, რომელსაც მიმდინარე მოვლენებზე ინფორმაცია მივაწოდეთ", - განაცხადა დავით უსუფაშვილმა.
მისი თქმით, კარნეგის ცენტრში ძირითადად იმ თემებზე ისაუბრებს, რომლებზეც უცხოელ პარტნიორებთან და სენატორებთან საუბრობს.
პარლამენტის თავმჯდომარეს სიტყვით გამოსვლამდე შეხვედრები კონგრესის წარმომადგენლობითი პალატის და სენატის წევრებთანაც ექნება. მათ შორის, შეიარაღებული ძალების და საერთაშორისო ურთიერთობის კომიტეტების წარმომადგენლებთან.
ამასთან, ცნობილია, რომ დავით უსუფაშვილი პირისპირ, დახურულ კარს მიღმა სენატორ ჯონ მაკკეინთანაც ისაუბრებს. ის ასევე, ატლანტიკური საბჭოს წარმომადგენლობასაც შეხვდება.
