"კასპის გამგებელი და პოლიციის უფროსი ხალხს ატერორებენ", -ამის შესახებ „პირველი რადიოს" პრესკლუბში კასპის საკრებულოს ფრაქცია „ქართული ოცნება-რესპუბლიკელების" წევრმა ხათუნა თათანაშვილმა განაცხადა.
"კასპში არის საგანგაშო მდგომარეობა, იქიდან გამომდინარე, რომ ოლეგ იაძე და მის მიერ დანიშნული პოლიციის უფროსი მამუკა ჯანანაშვილი პირდაპირი მნიშვნელობით ხალხს ატერორებენ ქუჩაში", -განაცხადა ხათუნა თათანაშვილმა და აღნიშნა, რომ დახმარების თხოვნით მოსახლეობამ რაიონის მაჟორიტარ დეპუტატს დავით ონოფრიშვილს მიმართა, ომელმაც ინციდენტების შესწავლა შინაგან საქმეთა სამინისტროს სთხოვა.
„ხალხმა ფაქტები დაადასტურა ხელმოწერებით და აღნიშნეს, რომ მათ მიყვანა ხდებოდა პოლიციის შენობაში, ეს არის შიში იმისა, რომ ყველა ადამიანში ოლეგ იაძე ხედავს მოწინააღმდეგეს, რის გამოც მათ უსწორდება" განაცხადა რესპუბლიკური პარტიის წევრმა ხათუნა თათანაშვილმა.
