,,პრეზიდენტი თამარ ბერუჩაშვილის თანამდებობაზე დამტკიცებას ხელს არ აწერს', -ამის შესახებ, ჟურნალისტებთან საგარეო საქმეთა მინისტრმა მაია ფანჯიკიძემ ბრაზილიის საგარეო საქმეთა მინისტრის მოადგილე ვერა მაშადოსთან შეხვედრის დასრულების შემდეგ განაცხადა.
,,პრეზიდენტი თამარ ბერუჩაშვილის თანამდებობაზე დანიშვნას ხელს არ აწერს, ისევე როგორც ეს ხდება ელჩების შემთხვევაში და ასევე პრეზიდენტს არ გადაუგზავნია პარლამენტში დანარჩენი ახალი ელჩების სია",- განაცხადა ფანჯიკიძემ და აღნიშნა, რომ შესაბამისი დოკუმენტაცია პრეზიდენტის ადმინისტრაციაში ორი კვირის წინ გადაეგზავნა.
შეგახსენებთ, რომ ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის მოადგილე თამარ ბერუჩაშვილი საგარეო საქმეთა მინისტრის მოადგილედ არის წარდგენილი.
