შინაგან საქმეთა მინისტი ირაკლი ღარიბაშვილი ჟენევის საერთაშორისო დისკუსიების თანათავჯდომარე-ელჩებს: ფილიპ ლეფორს, ანთი თურუნენს და ანდრეი დიშიციას შინაგან საქმეთა სამინისტროში შეხვდა.
შეხვედრაზე ჟენევის საერთაშორისო მოლაპარაკებების, ინციდენტების პრევენციისა და მათზე რეაგირების მაქანიზმის ჯგუფის ფორმატების მიმდინარე საკითხები განიხილეს.
მინისტრმა, შეხვედრაზე შეშფოთება გამოთქვა ოკუპირებული ცხინვალის რეგიონში რუსული საოკუპაციო ძალების მიერ ბოლო პერიოდში მავთულხლართების ინსტალაციის გააქტიურებულ პროცესთან დაკავშირებით და ელჩებისგან ამ საკითხით დაინტერესება ითხოვა.
ასევე განიხილეს ახალგორის რაიონში გაზის მიწოდებისა და წყლის სისტემის რეაბილიტაციის თემები.
მინისტრმა შეხვედრაზე ჟენევის საერთაშორისო დისკუსიების ფორმატის მნიშვნელობას გაუსვა ხაზი. სტუმრებთან მან ასევე საქართველოს სასჯელაღსრულების დაწესებულებებში მიმდინარე, ამნიისტის კანონის ფარგლებში, ეთნიკურად ოსი პატიმრების გათავისუფლების საკითხთან დაკავშირებითაც ისაუბრა.
