საპატრიარქოს საქველმოქმედო ფონდის ხელმძღვანელი ლაშა ჟვანია ,,იმედის" ეთერში, კერძოდ კი ვახო სანაიას გადაცემა "ღია ეთერში" თავისუფალი უნივერსიტეტის ხელმძღვანელის კახა ბენდუქიძის განცხადებას წვრილმან ხულიგნობად აფასებს. როგორც ,,პრაიმ ტაიმის" პრესკლუბში სტუმრობისას ჟვანიამ განაცხადა მსგავსი ქმედებების პრევენცია საკანონმდებლო დონეზე უნდა მოხდეს
"ბენდუქიძემ "ღია ეთერში" შეურაცხყოფა იმის გამო მომაყენა, რომ ის, რაც მისი მისამართით ვთქვი, გადაეფარა. ბენდუქიძის კრიტიკა "ერისიონის" რუსეთში ვიზიტთან დაკავშირებით მიუღებელია, რადგან 90-იან წლებში, მაშინ, როდესაც "რუსული ჩექმა" აქტიური იყო საქართველოში, ბენდუქიძეს რუსეთში ბიზნესებით იყო დაკავებული და რუსეთის ხელისუფლებასთან დაახლოებული პირი იყო", - განაცხადა ჟვანიამ და აღნიშნა, ბენდუქიძის ამ ქმედებას ადეკვატური რეაქცია და კრიტიკა არ მოჰყვეს.
შეგახსენებთ, რომ "ღია ეთერში" კახა ბენდუქიძემ ლაშა ჟვანია უხამსი სიტყვით მოიხსენია.
