საქართველოს პარლამენტის თავმჯდომარე დავით უსუფაშვილმა ამერიკის შეერთებულ შტაბებში, საქართველოს საკითხებით დაინტერესებულ ექსპერტებთან შეხვედრა გამართა.
პარლამენტის ინფორმაციით, შეხვედრას საგარეო ურთიერთობათა კომიტეტის თავმჯდომარე თედო ჯაფარიძე და თავდაცვისა და უშიშროების კომიტეტის წევრი, ფრაქცია ,,ქართული ოცნება - თავისუფალი დემოკრატების" თავმჯდომარე ირაკლი ჩიქოვანიც ესწრებოდნენ.
დელეგაციის წევრებმა შეხვედრის მონაწილეებს ახალი ხელისუფლების, როგორც საგარეო პოლიტიკის მიმართულებები, ასევე შიდა პოლიტიკური თემები განუმარტეს.
შეხვედრა მრგვალი მაგიდის ფორმატში, ჯორჯ ვაშინგტონის სახელობის უნივერსიტეტში შედგა.
როგორც შეხვედრის დასრულების შემდეგ დავით უსუფაშვილმა აღნიშნა, საქართველოს პარტნიორებს ყველაზე მეტად აინტერესებთ რა მომავალი აქვს საქართველოს დემოკრატიას, როგორ ჩატარდება არჩევნები და როგორ დასრულდება პრეზიდენტის ვადა.
"ყველა კითხვაზე ამომწურავი პასუხი გავეცით და გამოვთქვით სურვილი, რომ შეხვედრები გაგრძელდეს. რამდენიმე მათგანი მალე საქართველოში ჩამოვა და შეხვედრების საშუალება ქაც გვექნება", - განაცხადა უსუფაშვილმა.
ამასთან, პარლამენტის თავმჯდომარე მოხარულია, რომ სამთვრობო დაწესებულებების გარდა საუბრის შესაძლებლობა ასევე საუნივერსიტეტო წრეებთან და ექსპერტებთან აქვთ.
