დღეს, 12 მარტს საქართველოს ვიზიტით ეწვევა ბრაზილიის საგარეო საქმეთა მინისტრის პირველი მოადგილე ვერა მაშადო.
ვიზიტის ფარგლებში გაიმართება ვერა მაშადოს შეხვედრა საქართველოს საგარეო საქმეთა მინისტრთან, მაია ფანჯიკიძესთან. საგარეო საქმეთა სამინისტროში ასევე ჩატარდება ორმხრივი პოლიტიკური კონსულტაციები, რომელსაც ქართული მხრიდან მინისტრის პირველი მოადგილე დავით ზალკალიანი უხელმძღვანელებს.
ვიზიტის ფარგლებში ვერა მაშადო შეხვედრებს გამართავს საქართველოს აღმასრულებელი ხელისუფლების წარმომადგენლებთან.
ბრაზილიის საგარეო საქმეთა მინისტრის პირველი მოადგილე საქართველოს რეგიონალური ტურნეს ფარგლებში სტუმრობს. აღსანიშნავია, რომ ეს გახლავთ ბრაზილიის მხრიდან პირველი მაღალი დონის ვიზიტი საქართველოში.
მასალის გამოყენების პირობები