ხვალ, 19 თებერვალს საქართველოს საგარეო საქმეთა მინისტრი მაია ფანჯიკიძე საპარლამენტო უმცირესობას ქუთაისში შეხვდება. როგორც მაია ფანჯიკიძემ ჟურნალისტებთან განმარტა იგი მზადაა ,,ნაციონალების" შეკითხვებს უპასუხებს.
"მე ორჯერ ვერ მოვახერხე წასვლა მათი მოპატიჟების შემდეგ. ახლა გამოვძებნეთ თარიღი, როდესაც ეს მეც შემიძლია და მათაც შეუძლიათ. მე ხვალ მივდივარ პარლამენტში, რათა ვუპასუხო მათ შეკითხვებს. ამავე დროს, მე თვითონ მაქვს ძალიან ბევრი შეკითხვა და იმედი მაქვს, რომ ისინიც გასცემენ პასუხს ჩემს შეკითხვებს", - განაცხადა მაია ფანჯიკიძემ.
შეგახსენებთ, რომ საპარლამენტო უმცირესობამ საგარეო საქმეთა მინისტრი მაია ფანჯიკიძე ლიტვაში მთიანი ყარაბაღის საკითხთან დაკავშირებით გაკეთებული განცხადების გამო საკანონმდებლო ორგანოში ახსნა-განმარტებისთვის დაიბარა. მედიაში გავრცელებული ინფორმაციის თანახმად, ფანჯიკიძემ ლიტვაში განაცხადა, რომ ყარაბაღის კონფლიქტის დარეგულირება მხოლოდ აზერბაიჯანის ტერიტორიული მთლიანობის სასარგებლოდ არის შესაძლებელი. თუმცა ფანჯიკიძის განცხადებით მისი განცხადების არასწორად ინტერპრეტირება მოხდა.