,ნაციონალური მოძრაობის" წევრმა გიორგი ვაშაძემ იუსტიციის მინისტრს თეა წულუკიანს მოუწოდა საუბრის ტონი შეარჩიოს და მუქარისგან თავი შეიკავოს.
"ნუ მემუქრებით, თუ შეიძლება, შეარჩიეთ საუბრის ტონი. უკანონოდ თქვენ არ მომეცით დიპლომატიური პასპორტი, მაშინ როცა სხვისთვის 15 წუთშია მისი აღება შესაძლებელი, ჩემთვის ეს პრობლემა გახდა. დიახ, სწორედ ამიტომ დავურეკე და ვთხოვე მას, რომ ჩემთვის პასპორტი მოეცა", - აღნიშნა გიორგი ვაშაძემ, რომელიც არასამთავრობო სექტორთან მიმდინარე შეხვედრას ესწრება.
შეგახსენებთ, რომ იუსტიციის მინისტრმა თეა წულუკინმა სამოქალაქო რეესტრის ყოფილ ხელმძღვანელს გიორგი ვაშაძეს მოუწოდა შეწყვიტოს უკანონო დავალების მიცემა იუსტიციის სამინისტროს კადრებისადმი. როგორც იუსტიციის მინისტრმა სამოქალაქო სექტორთან მიმდინარე შეხვედრზე განაცხადა ვაშაძემ სამოქალაქო რეესტრის ერთ-ერთ კომპეტენტურ თანამშრომელს დიპლომატიური პასპორტის დამზადების მიზნით უკანონო დავალება მისცა.
