როგორც ჩანს, ბრალდების მხარე მოუმზადებელი იყო", - განაცხადა საპარლამენტო უმცირესობის ლიდერმა დავით ბაქრაძემ ბაჩო ახალაიას დაკავების ფაქტზე კომენტირებისას. მისი თქმით, საქმე ახალი ხელისუფლების სერიოზული ტესტი და გამოწვევაა. ბაქრაძისთვის გაუგებარია თუ რატომ მოხდა ბაჩო ახალაიას დაკავება პროკურატურაში პირველივე დაბარებისას, როდესაც ის საკუთარი ფეხით დაბრუნდა საქართველოში და მზაობა გამოაცხადა ეთანამშრომლა გამოძიებასთან. მისივე თქმით, ასევე ჯერჯერობით გაუგებარია ბრალდების შინაარსი.
"ამ კუთხით უმნიშვნელოვანესია, ახალი ხელისუფლება დაადგება პოლიტიკური ანგარიშსწორების გზას, თუ აირჩევს სამართლებრივ სივრცეში მოქმედებიას და სამართლებრივი პროცედურების მიმართულებას", - განაცხადა ბაქრაძემ და აღნიშნა, რომ ბაჩო ახლაიას დაკავებასთან დაკავშირებით პირადად მას აქვს კითხვები და ეჭვები.